മുംബൈ - അഹമ്മദാബാദ് ബുള്ളറ്റ് ട്രെയിൻ

മുംബൈ: ഇന്ത്യയുടെ ആദ്യത്തെ അതിവേഗ റെയിൽ പാതയായ മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതിയുടെ നിർമ്മാണത്തിൽ വലിയ പുരോഗതി . 508 കിലോമീറ്റർ ദൈർഘ്യമുള്ള ഈ പാതയുടെ 55 ശതമാനം ജോലികൾ പൂർത്തിയായി. ഇതുവരെ 84,200 കോടി രൂപയോളം പദ്ധതിക്കായി ചെലവഴിച്ചെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. 2027 ഓഗസ്റ്റിൽ സൂറത്തിനും വാപിക്കും ഇടയിൽ 100 കിലോമീറ്റർ ദൂരത്തിൽ ആദ്യത്തെ ബുള്ളറ്റ് ട്രെയിൻ ഓടിത്തുടങ്ങും. 2029 ഡിസംബറോടെ മുഴുവൻ പാതയും പ്രവർത്തനസജ്ജമാകും.

പദ്ധതി പൂർത്തിയാകുമ്പോൾ ഏകദേശം 1.08 ലക്ഷം കോടി രൂപ ചെലവ് വരുമെന്ന് പ്രതീക്ഷിക്കുന്നു.പദ്ധതി പൂർത്തിയാകുന്നതോടെ മുംബൈക്കും അഹമ്മദാബാദിനും ഇടയിലുള്ള യാത്രാ സമയം ഒരു മണിക്കൂർ 58 മിനിറ്റായി കുറയും. നിലവിൽ ഈ ദൂരം താണ്ടാൻ ഏകദേശം 6 മണിക്കൂറിലധികം എടുക്കും. ബുള്ളറ്റ് ട്രെയിൻ മണിക്കൂറിൽ 320 കിലോമീറ്റർ വേഗതയിൽ സഞ്ചരിക്കും. നാല് സ്റ്റോപ്പുകളോടെ മുംബൈ-അഹമ്മദാബാദ് യാത്രയ്ക്ക് ഒരു മണിക്കൂർ 58 മിനിറ്റ് എടുക്കും. എല്ലാ 12 സ്റ്റേഷനുകളിലും നിർത്തിപ്പോകുകയാണെങ്കിൽ യാത്രാ സമയം 2 മണിക്കൂർ 17 മിനിറ്റായി വർദ്ധിക്കും.

അതിവേഗ റെയിൽ ഇടനാഴി പൂർത്തിയാകുമ്പോൾ, അഹമ്മദാബാദിനും മുംബൈക്കും ഇടയിലുള്ള ദൂരം വെറും 1 മണിക്കൂർ 58 മിനിറ്റിൽ ബുള്ളറ്റ് ട്രെയിൻ താണ്ടുമെന്നത് ഇന്ത്യയുടെ റെയിൽവേ സംവിധാനത്തെ സംബന്ധിച്ചിടത്തോളം ഒരു പ്രധാന നാഴികക്കല്ലാണെന്ന് മന്ത്രി അശ്വിനി വൈഷ്ണവ് പറഞ്ഞു. 2027 ഓഗസ്റ്റിലെ ഉദ്ഘാടന ഓട്ടം സൂറത്തിനും വാപിക്കും ഇടയിലുള്ള 100 കിലോമീറ്റർ ദൂരത്തിലായിരിക്കും. 508 കിലോമീറ്റർ ദൈർഘ്യമുള്ള പാതയിൽ ട്രെയിനുകൾ മണിക്കൂറിൽ 320 കിലോമീറ്റർ വരെ വേഗതയിൽ ഓടും. ട്രെയിൻ 1 മണിക്കൂർ 58 മിനിറ്റിൽ നാല് സ്റ്റോപ്പുകൾ പിന്നിടുമെന്നും, എന്നാൽ എല്ലാ 12 സ്റ്റേഷനുകളിലും നിർത്തിപ്പോകുകയാണെങ്കിൽ ആകെ യാത്രാ സമയം 2 മണിക്കൂർ 17 മിനിറ്റായിരിക്കുമെന്നും മന്ത്രി കൂട്ടിച്ചേർത്തു. മുഴുവൻ പാതയും 2029 ഡിസംബറോടെ പൂർത്തിയാകുമെന്ന് അദ്ദേഹം അറിയിച്ചു.

ഇന്ത്യയുടെ അഭിമാന പദ്ധതിയായി മാറിയിരിക്കുകയാണ് മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതി. ചൈന അടക്കമുള്ള രാജ്യങ്ങൾ ബുള്ളറ്റ് ട്രെയിൻ മേഖലയിൽ വലിയ കുതിച്ചു ചാട്ടങ്ങൾ നടത്തിക്കഴിഞ്ഞിട്ടുണ്ട്.