കർണാടക ആർടിസി മംഗളൂരു - ബെംഗളൂരു

മംഗളൂരു: കർണാടക ആർടിസി ബസ്സുകളിൽ യാത്ര ചെയ്യുന്നവർക്ക് സന്തോഷവാർത്ത. ഇന്ന് (ജനുവരി 5) മുതൽ മംഗളൂരു ഡിവിഷനിലെ പ്രീമിയം ബസ് സർവീസുകളുടെ ടിക്കറ്റ് നിരക്ക് 10% മുതൽ 15% വരെ കുറച്ചു. യാത്രക്കാരുടെ പോക്കറ്റിലൊതുങ്ങുന്ന സർവീസ് നൽകാനും പൊതുഗതാഗതം പ്രോത്സാഹിപ്പിക്കാനുമാണ് ഈ നടപടി.

കർണാടക സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ ആണ് ഈ നിരക്ക് കുറയ്ക്കൽ പ്രഖ്യാപിച്ചത്. കുന്ദപുര, ഉടുപ്പി, മംഗളൂരു എന്നിവിടങ്ങളിൽ നിന്ന് ബെംഗളൂരുവിലേക്കുള്ള വിവിധ പ്രീമിയം ബസ് സർവീസുകൾക്കാണ് ഇത് ബാധകമാകുന്നത്. ജനുവരി 5 മുതൽ പുതിയ നിരക്കുകൾ പ്രാബല്യത്തിൽ വരും.

ആഡംബര ബസ്സുകളിലേക്ക് കൂടുതല്‍ പേരെ ആകർഷിക്കുകയാണ് ഈ നിരക്ക് കുറയ്ക്കലിന്റെ ലക്ഷ്യം. ഇതുവഴി പ്രീമിയം ബസ് യാത്രകൾ യാത്രക്കാർക്ക് കൂടുതൽ ലാഭകരമാകും. ഉദാഹരണത്തിന്, 'അംബാരി ഉത്സവ് എസി സ്ലീപ്പർ' ബസ്സിൽ മംഗളൂരുവിൽ നിന്ന് ബെംഗളൂരുവിലേക്കുള്ള ടിക്കറ്റ് നിരക്ക് ഇപ്പോൾ 1,350 രൂപയാണ്. കുന്ദപുരയിൽ നിന്ന് ബെംഗളൂരുവിലേക്കുള്ള നിരക്ക് 1,510 ആയി. ' ഡ്രീം ക്ലാസ് ' സർവീസുകൾക്ക് മംഗളൂരുവിൽ നിന്ന് 1,200 രൂപയാണിപ്പോൾ. 'മൾട്ടി-ആക്സിൽ' ബസ്സുകൾക്ക് 1,000 രൂപ വരും. സാധാരണക്കാർക്ക് ഏറെ പ്രയോജനകരമാകുന്ന 'രാജഹംസ എക്സിക്യൂട്ടീവ് കോച്ച്' ബസ്സുകളുടെ നിരക്ക് മംഗളൂരു-ബെംഗളൂരു റൂട്ടിൽ 650 ആയും കുന്ദപുരയിൽ നിന്ന് 750 രൂപയായും കുറച്ചിട്ടുണ്ട്.

നിരക്ക് കുറച്ചതു മൂലം കൂടുതൽ ആളുകൾ പൊതുഗതാഗതം ഉപയോഗിക്കുമെന്ന് കെഎസ്ആർടിസി മംഗളൂരു സീനിയർ ഡിവിഷണൽ കൺട്രോളർ പറഞ്ഞു. തിരക്കേറിയ ഈ റൂട്ടുകളിൽ സ്ഥിരമായി യാത്ര ചെയ്യുന്നവർക്ക് ഇത് വലിയ ആശ്വാസമാകും. പുതിയതായി അവതരിപ്പിച്ച ' പല്ലക്കി നോൺ-എസി സ്ലീപ്പർ ', സ്റ്റാൻഡേർഡ് നോൺ-എസി സ്ലീപ്പർ ബസ്സുകൾക്കും ഈ ഇളവ് ബാധകമാണ്. കർണാടക ആർടിസിയുടെ ഔദ്യോഗിക വെബ്സൈറ്റ് വഴിയോ കൗണ്ടറുകൾ വഴിയോ ടിക്കറ്റുകൾ ബുക്ക് ചെയ്യാവുന്നതാണ്.

പുതിയ നിരക്കുകൾ താഴെ പറയുന്നവയാണ്:

അംബാരി ഉത്സവ്:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,510 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,460 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 1,350 രൂപ

ഡ്രീം ക്ലാസ്:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,350 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,300 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 1,200 രൂപ

മൾട്ടി ആക്സിൽ 2.0:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,310 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,250 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 1,150 രൂപ

മൾട്ടി ആക്സിൽ:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,110 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,060 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 1,000 രൂപ

നോൺ-എസി സ്ലീപ്പർ:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,050 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,000 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 900 രൂപ

പല്ലക്കി നോൺ-എസി സ്ലീപ്പർ:

- കുന്ദപുര – ബെംഗളൂരു / ബെംഗളൂരു – കുന്ദപുര: 1,100 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 1,060 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 950 രൂപ

രാജഹംസ:

- കുന്ദപുര – ബെംഗളൂരു / ബെംഗളൂരു – കുന്ദപുര: 750 രൂപ

- ഉടുപ്പി – ബെംഗളൂരു / ബെംഗളൂരു – ഉടുപ്പി: 700 രൂപ

- മംഗളൂരു – ബെംഗളൂരു / ബെംഗളൂരു – മംഗളൂരു: 650 രൂപ