ശബരിമല സ്വര്ണക്കൊള്ളക്കേസില് മുന് ദേവസ്വംബോര്ഡ് അംഗം കെ പി ശങ്കരദാസ് അറസ്റ്റില്. ആശുപത്രിയിലെത്തിയാണ് എസ്ഐടി ശങ്കരദാസിന്റെ അറസ്റ്റ് രേഖപ്പെടുത്തിയത്.
റിപ്പോർട്ട്,:സുലൈമാൻ ഖനി
admin
*ശബരിമല സ്വര്ണക്കൊള്ള; മുന് ദേവസ്വംബോര്ഡ് അംഗം കെ പി ശങ്കരദാസ് അറസ്റ്റില്*
*കൊച്ചി:* ശബരിമല സ്വര്ണക്കൊള്ളക്കേസില് മുന് ദേവസ്വംബോര്ഡ് അംഗം കെ പി ശങ്കരദാസ് അറസ്റ്റില്. ആശുപത്രിയിലെത്തിയാണ് എസ്ഐടി ശങ്കരദാസിന്റെ അറസ്റ്റ് രേഖപ്പെടുത്തിയത്.
കേസുമായി ബന്ധപ്പെട്ട് കഴിഞ്ഞദിവസം എസ്ഐടിയെ ഹൈക്കോടതി രൂക്ഷമായി വിമർശിച്ചിരുന്നു. ജഡ്ജി എ. ബദറുദ്ദീനായിരുന്നു വിമർശനം ഉന്നയിച്ചത്. ദേവസ്വം ബോർഡ് അംഗം ആശുപത്രിയിൽ പോയി കിടക്കുകയാണെന്നും പ്രതികൾ അന്വേഷണത്തോട് സഹകരിക്കുന്നത് ഇങ്ങനെയാണോയെന്നുമായിരുന്നു ഹൈക്കോടതിയുടെ ചോദ്യം. കൊല്ലം വിജിലൻസ് കോടതിയിൽ ചിത്രം സഹിതം വിശദീകരണം നൽകിയ ദിവസം തന്നെയായിരുന്നു ഹൈക്കോടതിയുടെ വിമർശനം.
ശങ്കരദാസ് അബോധാവസ്ഥയിൽ കിടക്കുകയാണെന്നായിരുന്നു അഭിഭാഷകൻ കോടതിയെ അറിയിച്ചത്. ശങ്കര ദാസിൻ്റെ ആശുപത്രി കിടക്കയിലുള്ള ചിത്രങ്ങളും അഭിഭാഷകൻ കോടതിക്ക് മുന്നിൽ ഹാജരാക്കിയിരുന്നു.
